Увесь трэш беларускіх парадаў: чалавек-цэгла з Гомеля і віцебскія тармазы
Летась на парадзе 3 ліпеня ў Мінску паказвалі керамінаўскія ўнітазы на грузавіку. Сёлета такога не было (толькі басанож прайшла перад Лукашэнкам жанчына-вайсковец). Чаму? Таму што ўсё цікавае адбывалася ў рэгіёнах!
Сёння ў сацсетках пачалі з'яўляцца трашовыя здымкі і відэа з розных гарадоў краіны. Напрыклад, у Віцебску на парадзе грузавік з "партызанамі" праверыў тармазы, і ўсе "пасажыры" ў кузаве сінхронна ўпалі. Ну а што? На вайне як на вайне!
А ў Гомелі на свяце заўважаны новы беларускі супергерой — "чалавек-цэгла".
У Рэчыцы можна было пабачыць вось такіх "асілкаў", за спінамі якіх стаялі спецназаўцы з аўтаматамі і кулямётамі. Фота: dneprovec.by
У Жодзіне на грузавіку хірургі рабілі "аперацыю", а пасля там жа ратавальнікі тушылі ўзгаранне, якое пачалося на іншым аўтамабілі. Фота: zhodinonews.by
А гэта Гомель: "чалавек-цэгла" і залатыя будаўнікі. Фота: Андрэй Стрыжак
"Чалавек-угнаенне". Фота: gomel.today
"Чалавек-сонейка". І яшчэ адзін "чалавек-сонейка". Фота: Андрэй Стрыжак
