З гісторыкам, які заступіўся за бел-чырвона-белы сцяг, не падоўжылі кантракт

У Інстытуце гісторыі Шаланда працуе з 2008 года. З 2015-га ён быў загадчыкам аддзела генеалогіі, геральдыкі і нумізматыкі Інстытута гісторыі.

Як эксперта яго прыцягнулі да справы 20-гадовай Марыі Сафонавай, якую судзілі за напісаны на асфальце лозунг "Жыве Беларусь!" і намаляваны побач бел-чырвона-белы сцяг. У сваёй экспертызе Шаланда нагадаў, што бел-чырвона-белы сцяг двойчы меў статус дзяржаўнага — у БНР у 1918-1921 гадах і ў Рэспубліцы Беларусь у 1991-1995 гадах. Таксама ён заявіў, што малюнак на асфальце не можа лічыцца сцягам, а белы і чырвоны — нацыянальныя колеры беларускага народа, якія не могуць нікога абражаць.