За выходныя ў беларускіх лясах здарылася 14 пажараў

З пачатку года беларускія лясы гарэлі ўжо 317 разоў. Плошча пажараў склала больш за 190 гектараў. Толькі за мінулыя суткі супрацоўнікі лясной аховы ліквідавалі 14 лясных пажараў. Часцей за ўсё на барацьбу з агнём выязджалі ў Гродзенскай вобласці — тут патушылі 4 лясныя пажары. У іншых абласцях зафіксавалі па 2 узгаранні.

Асноўнай прычынай пажараў застаецца неасцярожнае абыходжанне з агнём, кажуць у Міністэрстве лясной гаспадаркі. Там таксама адзначылі, што супрацоўнікі лясной аховы ўжо больш за месяц (36 дзён без перапынку) змагаюцца з агнём у лясах. Забароны і абмежаванні на наведванне лясоў працягваюць дзейнічаць у 102 рэгіёнах краіны. Наведванне лясоў станам на 12 чэрвеня дазволенае толькі ў Баранавіцкім раёне Брэсцкай вобласці, пяці раёнах на ўсходзе Магілёўскай вобласці і 10 раёнах на поўдні Гомельскай вобласці.