Зачыніліся ўсе крамы гандлёвай сеткі "Буслік"
Крама "Буслік" / Triniti
Зачыніліся апошнія крамы сеткі дзіцячых тавараў "Буслік", піша Sputnik са спасылкай на гандлёвы рэестр. У тым ліку зачынілася і інтэрнэт-крама: пры спробе ўваходу з'яўляецца плашка пра тэхнічныя работы.
Пра праблемы гандлёвай сеткі стала вядома летась: за 2023 год зачыніліся яе 18. Сёлета на пачатку года працавалі яшчэ каля 20 гандлёвых кропак.
Сетку "Буслік" заснаваў беларускі бізнесовец Сяргей Місячэнка. Паступова яна стала найбуйнейшай у сегменце дзіцячых тавараў у краіне. У 2018 яе набыла польская кампанія CDRL. Летась у сеткі пачаліся праблемы, яе выручка падала цягам усяго года.
У дзяржрэестры пакуль няма інфармацыі пра пачатак ліквідацыі або працэдуры банкруцтва юрыдычнай асобы. На месца "Бусліка" на беларускім рынку прыйшла сетка "Дзетмір" — "дачка" расійскага "Детского мира".
