Затрыманаму начальніку аддзела МТС выставілі абвінавачванне
Затрыманы / t.me/skgovby
Затрыманаму начальніку аддзела МТС Аляксею Кузьміну выставілі абвінавачванне. Як паведамляе прэс-служба Следчага камітэта Беларусі, артыкул — "дапамаганне ў распальванні варожасці і варажнечы, учыненае групай асоб". Сцвярджаецца, што "выкарыстоўваючы свае службовыя паўнамоцтвы, мужчына перадаваў адміністратарам дэструктыўных рэсурсаў асабістыя і білінгавыя даныя службовых асоб Беларусі, якія ў далейшым публікаваліся ў тэлеграм-каналах".
Абвінавачванне выстаўлена Галоўным следчым упраўленнем СК.
Пра затрыманне начальніка аддзела МТС стала вядома 26 кастрычніка. Міліцыянеры тады паведамілі, што яго затрымалі за "зліў" асабістых звестак сілавікоў і высокапастаўленых службовых асоб у "Чорную кнігу Беларусі".
