Жыхара Ваўкавыска падазраюць, што ён збіў да смерці сваю маці
Жыхара Ваўкавыска падазраюць у тым, што ён збіў да смерці сваю маці. 32-гадовы мужчына затрыманы праваахоўнікамі, на яго завялі крымінальную справу за наўмыснае нанясенне цяжкога цялеснага пашкоджання, якое пацягнула па неасцярожнасці смерць чалавека.
Як паведамляе Следчы камітэт, інцыдэнт здарыўся 11 кастрычніка. У міліцыю паступіла інфармацыя ад медыкаў, што ў адным з дамоў памерла 63-гадовая жанчына. Праваахоўнікі, якія таксама прыбылі на месца, западозрылі, што смерць мае крымінальны характар.
На наступны дзень затрымалі сына загінулай жанчыны. Цяпер следчыя высвятляюць усе акалічнасці здарэння.
