ЗША абяцаюць не караць смерцю і не катаваць Сноўдэна
Пра гэта генпракурор Злучаных Штатаў Эрык Холдэр паведаміў у лісце свайму расійскаму калегу.
Ліст Холдэра ад 23 ліпеня апублікаваны ў пятніцу, перадае ВВС.
Экс-супрацоўнік ЦРУ Эдвард Сноўдэн знаходзіцца ў транзітнай зоне маскоўскага аэрапорту “Шарамецьева” з 22 чэрвеня. Ён прыбыў рэйсам з Ганконгу і з юрыдычнага пункту гледжання дагэтуль не перасек расійскую мяжу.
Раней у пятніцу прэс-сакратар расійскага прэзідэнта Дзмітрый Пяскоў у часе размовы пра Сноўдэна сказаў журналістам, што Расія “нікога не выдавала і не будзе выдаваць”.
