З'явіўся беларускамоўны інтэрнэт-партал для жанчын
“Наша ніва” запусціла беларускамоўны інтэрнэт-партал для жанчын — nina.nn.by. Адзначаецца, што “Наша Ніnа” — гэта самастойны праект, які ствараюць Настасся Роўда і Кацярына Карпіцкая. Ён мае свой сайт, лагатып (яго распрацаваў Міхал Анемпадыстаў), свае старонкі ў сацсетках.
“Ніна” — гэткая супержанчына, зборны вобраз беларусак, для якой няма межаў ні ў галаве, ні навокал, — піша рэдакцыя. — З ёй можна пасмяяцца і абмеркаваць вострыя тэмы, ёй можна пажаліцца, у яе можна папрасіць парады ці адказу на любое пытанне”.
