15:23 У Кобрыне з балота выратавалі 44-гадовага мужчыну

У горадзе Кобрын Брэсцкай вобласці супрацоўнікі дэпартаменту «Ахова» выратавалі 44-гадовага мужчыну, які заграз у балоце. Здарэнне адбылося каля ракі Мухавец у раёне мясцовай лякарні. Два нарады з сабакам здолелі адшукаць яго ў чароце.

Мужчыну выцягнулі з багны з дапамогай буксіровачных тросаў. Як ён патрапіў у бяду, невядома. Сам пацярпелы нічога патлумачыць не можа, бо з-за пераахалоджання знаходзіцца ў шокавым стане.

Паведамляе БЕЛТА