19 лютага па ўсім свеце прайшлі акцыі салідарнасці з палітвязнямі

19 лютага дэмакратычныя актывісты правялі акцыі салідарнасці з беларускімі палітвязнямі ў розных гарадах Беларусі.

Аналагічныя мерапрыемствы прайшлі ў розных гарадах свету.

Нагадаем, два месяцы таму ў Мінску была жорстка разагнаная акцыя апазіцыі. Каля 700 чалавек трапілі за краты. Трое кандыдатаў у прэзідэнты - Андрэй Саннікаў, Алесь Міхалевіч і Мікола Статкевіч - дагэтуль застаюцца за кратамі, Віталь Рымашэўскі і Рыгор Кастусёў знаходзяцца пад падпіскай аб нявыездзе, а Уладзімір Някляеў - пад хатнім арыштам. Адзін з 42 фігурантаў справы аб масавых беспарадках, Васіль Парфянкоў, быў асуджаны ў мінулы чацвер на 4 гады строгага рэжыму.

У знак салідарнасці беларусы Нідэрландаў правялі акцыю каля будынка Міжнароднага крымінальнага суда ў Гаазе. Аналагічнае мерапрыемства адбылося ў Лондане перад беларускай амбасадай, а таксама ў Нью-Ёрку насупраць галоўнага офісу ААН.

У цэнтры Стакгольма Згуртаванне беларусаў Швецыі і шведскіх грамадскіх аб’яднанняў раздавалі мінакам, удзельнікам акцыі салідарнасці лісты з узорам звароту да беларускіх уладаў з патрабаваннем вызваліць палітычных вязняў ды прапаноўваць ім  выслаць лісты ў адмністрацыю Лукашэнкі.

фота: zmagarka.livejournal.com