Афіцыйны Мінск назваў краіны, якім не будзе аддаваць грошы
Чатыры дзясяткі краін трапілі ў спіс недружалюбных для Беларусі. Адпаведная пастанова Саўміна №209 апублікаваная на Нацыянальным прававым інтэрнэт-партале.
Спіс, як гаворыцца ў дакуменце, сфармаваны дзеля "забеспячэння абароны нацыянальных інтарэсаў Рэспублікі Беларусь".
У яго ўвайшлі:
1. Аўстралійскі Саюз
2. Дзяржавы-чальцыы Еўрапейскага Саюза
3. Канада
4. Княства Ліхтэнштэйн
5. Каралеўства Нарвегія
6. Новая Зеландыя
7. Рэспубліка Албанія
8. Рэспубліка Ісландыя
9. Рэспубліка Паўночная Македонія
10. Злучанае Каралеўства Вялікабрытаніі і Паўночнай Ірландыі
11. Злучаныя Штаты Амерыкі
12. Чарнагорыя
13. Швейцарская Канфедэрацыя
Як паведамляла Еўрарадыё, 7 красавіка Аляксандр Лукашэнка падпісаў указ аб прыпыненні плацяжоў недружалюбным замежным рэзідэнтам. Акрамя таго было прынятае рашэнне, што асобным замежным крэдыторам афіцыйны Мінск будзе аддаваць пазыкі ў беларускіх рублях.
