Акцыі пратэсту ва Украіне працягваюцца (відэа)
У кіеўскім парку імя Тараса Шаўчэнкі сабраліся некалькі тысяч удзельнікаў народнага веча “За еўрапейскую Украіну!”
Затым яны пайшлі шэсцем, трымаючы вялікі сцяг Украіны і сцяг Еўрасаюза, перадае УНІАН. Пратэстоўцы такім чынам выказваюць сваю нязгоду з рашэннем ураду, які адклаў утварэнне асацыяцыі з ЕС.
Акцыі пратэсту адбываюцца ў многіх іншых украінскіх гарадах, з’яўляецца інфармацыя і пра акцыі, якія ладзяць за межамі Украіны.
Часам паміж праваахоўнікамі і мітынгоўцамі адбываюцца сутыкненні. У Чаркасах удзельнікі пратэстаў спрабавалі паставіць намёты, але міліцыя не дазволіла ім гэтага зрабіць. Сутычкі былі і на акцыі ў Мікалаеве.
