Акцыя Руху “За Свабоду” ў Мінску скончылася затрыманнямі

У аўторак у беларускай сталіцы прайшла акцыя Руху “За Свабоду”.  Яе мэтай было інфармаванне людзей аб выгодах, якія можа атрымаць Беларусь ад партнёрства з Еўрасаюзам. Актывісты, апранутыя ў кашулі з лагатыпам руху, у розных месцах горада распаўсюджвалі брашуры “Што Еўрапейскі Саюз можа даць Беларусі”.

Было затрымана каля 10 чалавек. Іх даставілі ў Фрунзенскі РУУС. Пра гэта паведамляе прэс-служба Аляксандра Мілінкевіча.