Амаль на ўсіх рынках Віцебска нелегальна гандлявалі спіртным
На чатырох рынках Віцебска каля двух гадоў гандлявалі спіртнымі напоямі. Іх нелегальна ўвозіла ў краіну арганізаваная злачынная група. З Малдовы ды Ўкраіны спіртное везлі чыгуначнікі, а тут ужо партыю размяркоўвалі паміж гандлярамі. Бутлегеры прадавалі віно значна танней, чым у крамах. Пры затрыманні ў іх забралі больш за 600 бутэлек розных спіртных напояў агульным коштам больш за 12 мільёнаў рублёў. Хутчэй за ўсё, яны будуць прыцягнутыя да адказнасці за незаконную прадпрымальніцкую дзейнасць.
