Аплаціць праезд смартфонам можна ва ўсіх мінскіх трамваях
Ва ўсіх мінскіх трамваях з 21 ліпеня стала магчыма аплаціць праезд са смартфона. У іх укаранілі сістэму TIX, паведамляе прэс-служба Мінгарвыканкама ў сваім Telegram-канале.
Для аплаты са смартфона пасажыру неабходна спампаваць у GooglePlay або AppStore дадатак "TIX" і прывязаць да яго сваю банкаўскую картку: Visa, MasterCard, БЕЛКАРТ. Сэрвіс зроблены на рускай, беларускай, англійскай і польскай мовах.
Аплаціць праезд можна ўжо на прыпынку, калі патрэбны транспарт яшчэ толькі пад'язджае. У дадатку будуць паказаныя нумар маршруту і прапанова зрабіць аплату. Набыць квіток у TIX можна і ў салоне транспартнага сродку, выбраўшы кнопку "Аплаціць" насупраць патрэбнага нумара вашага транспарту.
Дарэчы, TIX працуе і ў аўтобусных маршрутах №1 і №100 ужо з 4 траўня.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
