Беларускага цяжкаатлета дыскваліфікавалі на 4 гады за спробу падмены допінг-проб
Міжнародная федэрацыя дыскваліфікавала беларускага цяжкаатлета, срэбранага прызёра чэмпіянату Еўропы 2014 года Станіслава Чадовіча (катэгорыя да 62 кг) на чатыры гады. Нагодай стала спроба падмяніць допінг-пробы.
Як піша "Прессбол" са спасылкай на AP, Чадовіч спрабаваў падмяніць пробы падчас пазаспаборніцкай допінг-праверкі перад адлётам на Гульні ў Рыа-2016.
У выніку Чадовіч, які знаходзіўся ў алімпійскім складзе зборнай Беларусі, так і не адправіўся ў Рыа на Гульні. Замест яго ў апошні момант на Алімпіяду адправіўся Аляксей Мжачык.
Тэрмін дыскваліфікацыі спартоўца адлічваецца ад 29 ліпеня 2016 года.
