Беларускі фронт: ад Пазняка ў Бахмуце да ГУБАЗіКа ў Беларусі

Нечаканы ход з боку Зянона Пазняка, які разам з Паўлам Усавым і Змітром Шчыгельскім не толькі зладзіў сустрэчы ў бяспечных памяшканнях Львова і Кіева, але і наведаў Бахмут, ускалыхнуў павольнае жыццё беларускага замежнага палітыкуму. І калі не звяртаць увагі на абмеркаванні “плашча Зянона”, адсутнасць каскі ў Шчыгельскага ці памер “броніка на Усаве”, то відавочная цікавасць да падзеі і ў самой Украіне, і сярод шараговых беларусаў.

Як сёння выглядаюць беларуска-ўкраінскія адносіны і ці можна гаварыць пра Пазняка як пра аб’яднаўчую сілу на фоне ўзмацнення ўнутраных канфліктаў у асяродку дэмсіл? Чаго дамагаецца рэжым, узмацняючы рэпрэсіі? Ці паўплываюць санкцыі супраць беларускага рэжыму на яго пазіцыю адносна вайны? На гэтыя ды іншыя пытанні адказвае дырэктар Інстытута палітычных даследаванняў “Палітычная сфера”, заснавальнік Міжнароднага кангрэса даследчыкаў Беларусі Андрэй Казакевіч.