Сёння Лукашэнка праводзіць нараду, прадпрымальнікі даслалі яму ліст

Паводле гэтага дакумента, ІП, якія выплачваюць адзіны падатак пры рознічным гандлі таварамі, абавязаныя ажыццяўляць перавозку, захоўванне і рэалізацыю гэтых тавараў на падставе дакументаў, якія пацвярджаюць набыццё тавараў. А атрымаць такія дакументы ў Расіі практычна немагчыма. Таму, калі ўказ падпішуць, ён будзе невыканальны.
 

18 лютага ў Аляксандра Лукашэнкі пройдзе нарада, прысвечаная пытанням працы індывідуальных прадпрымальнікаў. Ці ёсць надзея, што голас прадпрымальнікаў пачуюць? Вось што кажа ў каментары Еўрарадыё кіраўнік "Перспектывы" Анатоль Шумчанка:

"Яшчэ ў 2008 годзе хацелі ўвесці суправаджальныя дакументы, але пасля таго, як "Перспектыва" арганізавала "Марш прадпрымальнікаў", мы сваю пазіцыю адстаялі. Па-другое, той жа тэхрэгламент ужо больш за год мусіць дзейнічаць на нашай тэрыторыі, а ён пераносіцца на нашу просьбу. Тая ж заява Пракаповіча, што з 1 снежня сертыфікаты мусяць быць і "Перспектыва" зноў выступіла. Тыя ж падаткі на 40-60% хацелі падняць, а паднялі, як "Перспектыва" гаварыла. Таму да нас прыслухоўваюцца. Вядома, не ва ўсім, вядома, робяць яны гэта неахвотна".

Шумчанка нагадвае, што ўказ можа закрануць дзясяткі тысяч беларускіх прадпрымальнікаў і іх сем'і. І гэтыя людзі "гатовыя на лакальныя пратэсты на мясцовым узроўні". Дарэчы, пра гэта напісалі ў лісце да Лукашэнкі.

Фота — ria.ru