Бензін падаражэў чарговым разам — і зноў на 1 капейку
У Беларусі ўжо ў 14-ы раз за гэты год даражэе бензін, паведамляе прэс-служба канцэрна “Белнафтахім”. Ад сёння, 2 верасня кошты на яго і на дызпаліва падвысіліся на 1 капейку. Цяпер яны такія: АІ-92-Л5-Еўра — 1,33 рубля, АІ-95-К5-Еўра — 1,41 рубля, АІ-98-К5-Еўра — 1,62 рубля, ДП — 1,41 рубля.
Апошнім разам кошты на аўтамабільнае паліва павышалі ў Беларусі 26 жніўня. Прычым за жнівень было адразу тры падаражэнні.
Раней “Белнафтахім” аргументаваў гэта тым, што існуючыя кошты не кампенсуюць нафтаперапрацоўчым заводам абгрунтаваныя выдаткі на вытворчасць маторнага паліва.
