Беражкоў патлумачыў, чаму сышоў з пасады галоўнага рэдактара "Прессбола"

Пра змену галоўнага рэдактара папулярнага спартыўнага беларускага выдання стала вядома напярэдадні. Уладзіміра Беражкова змяніў Сяргей Кайко. Яго кандыдатуру адзінагалосна ўхваліў сход заснавальнікаў ТАА "Прессбол-91". Першым намеснікам галоўнага рэдактара газеты прызначаны Дзмітрый Беленькі, намеснікамі — Аляксандр Дабрыян, Юрый Доўнар, Сяргей Новікаў і Уладзімір Пірог.

"Я сышоў з пасады галоўнага рэдактара, таму што лічу, што вырасла пакаленне прэсболаўцаў, якое саўладае з гэтым (з развіццём папяровай версіі газеты і сайта — Еўрарадыё) лепш за мяне, — піша Беражкоў. — Я сыходжу з гэтай пляцоўкі як журналіст, але застаюся на ёй як прыхільнік ўсіх вашых спадзяванняў, памкненняў і талентаў. Я застаюся сябрам сям'і "Прессбола". Са мной усё ў парадку".

Уладзімір Беражкоў нагадвае, што застаецца адным з заснавальнікаў "Прессбола". Раней паведамлялася, што ён стаў старшынёй назіральнага савета ТАА "Прессбол-91".
 

Новы рэдактар “Прессбола”: Гэта было рашэнне Беражкова — сысці
 

Фота — bymedia.net