Бяспечны LIVE: слухаем разам анлайн-канцэрт гурта :B:N:

Еўрарадыё і "Арт Сядзіба" робяць усё магчымае, каб вы не сумавалі па вечарах у нашыя цяжкія часы каранціна і самаізаляцыі. 18 сакавіка мы пачалі анлайн-канцэрты "Бяспечны LIVE".

Каб трапіць на канцэрт, цяпер не трэба нікуды ісці. Ды і куды ты пойдзеш, калі ўсё паадмянялася праз пандэмію каранавіруса? Уладкоўвайцеся на канапе, адкаркоўвайце што-небудзь смачнае — і давайце разам глядзець акустычны анлайн-канцэрт, які гурт :B:N: жыўцом зайграў у студыі Еўрарадыё.

Далучайцеся! Каранавірус не пакіне нас без канцэртаў!

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.