Былога кіраўніка агракамбіната абвінавачваюць у карупцыйных злачынствах
Былога кіраўніка ААТ "Агракамбінат "Скідзельскі" (у Гродзенскім раёне) абвінавачваюць у здзяйсненні карупцыйных злачынстваў. Як паведаміў БЕЛТА афіцыйны прадстаўнік УСК па Гродзенскай вобласці Сяргей Шаршаневіч, расследаванне крымінальнай справы выконваючага абавязкі гендырэктара завершанае. Яму выставілі абвінавачанне ў наўмысным здзяйсненні службовай асобай дзеянняў, якія выйшлі за межы яе паўнамоцтваў, і былі ўчынены з асабістай зацікаўленасці і сталі прычынай цяжкіх наступстваў (ч. 3 арт. 425 КК).
Высветлілася, што ў ліпені-верасні 2013 года службовая асоба з парушэннямі заключыла з двума суб'ектамі гаспадарання Брэсцкай вобласці дамовы аб пастаўках тавараў на агульную суму каля 9,5 млрд недэнамінаваных рублёў. Пры гэтым іх фактычны кошт складаў крыху больш за 1,5 млрд рублёў. Такім чынам страты агракамбінату склалі каля 8 млрд недэнамінаваных рублёў. Адзначаецца, што кіраўнік спрабаваў стварыць бачнасць эфектыўнай фінансава-эканамічнай дзейнасці, паспяховага выконвання паказчыкаў па вытворчасці і рэалізацыі прадукцыі, ды зрабіў паслугу свайму знаёмаму.
Летам 2014-га выконваючы абавязкі гендырэктара заключыў зноў жа з двума суб'ектамі гаспадарання Брэсцкай вобласці заведама нявыгадныя для яго прадпрыемства дамовы пераводу доўга. У выніку "Скідзельскі" неабгрунтавана прыняў на сябе далгавыя абавязкі на суму больш за 1,3 млрд рублёў.
Кіраўнік агракамбіната знаходзіцца пад вартай, на яго маёмасць накладзены арышт. Крымінальную справу накіравалі ў суд.
