Чарнобыльская катастрофа праз 33 гады
33 гады таму, 26 красавіка, у выніку непрадуманых дзеянняў дзяжурнай змены пры наяўнасці слабасцей у канструкцыі рэактара і станцыі ў цэлым адбыўся выбух на 4-м энергаблоку ЧАЭС. Разбурэнне рэактара прывяло да выкіду ў паветра велізарнай колькасці радыеактыўных рэчываў, якія патокамі паветра сталі хутка распаўсюджвацца.
Як можна ацаніць характар забруджання пасля аварыі і зараз? Ці бяспечна сёння жыць у зоне, якая была забруджана пасля аварыі на ЧАЭС? Які кантроль праходзіць прадукцыя, якая вырабляецца ў раёнах Беларусі, пацярпелых ад аварыі на ЧАЭС? Ці шмат такой прадукцыі прызнаецца небяспечнай?
На гэтыя ды іншыя пытанні адказвае намеснік начальніка Дэпартамента па ліквідацыі наступстваў катастрофы на Чарнобыльскай АЭС Пётр Нікалаенка.
