Ці гатовая Літва супрацьстаяць узмацненню “міграцыйнага шантажу”?
Эскалацыя міграцыйнага канфлікту на беларуска-польскай мяжы прымусіла напружыцца і нервавацца ўсіх астатніх нашых суседзяў. Апроч, безумоўна, Расіі. Але гэтую краіну нават самы адчайны “турыст” не рызыкне абраць канцавым пунктам свайго “турыстычнага маршруту”. Іншая сітуацыя з Літвой, якая раней ужо адчула на сабе вынікі “прафесіяналізму” беларускіх памежнікаў.
Ці гатовая Літва да эскалацыі мігранцкага канфлікту на мяжы з Беларуссю і ці мае падтрымку з боку ЕС? Як на пагрозу прарыву мяжы рэагуе літоўскае грамадства? Чаму на фоне гэтых падзей Літва працягвае набываць электраэнергію з БелАЭС? На гэтыя ды іншыя пытанні адказвае літоўскі палітолаг, прафесар кафедры філасофіі ўніверсітэта Вітаўта Вялікага Гінтаўтас Мажэйкіс (Gintautas Mažeikis).
