Ці патрэбная беларусам за мяжой адукацыя па-беларуску?
Юлія Букштановіч і Павел Баркоўскі / Еўрарадыё
Пасля 2020 года менавіта Польшча стала краінай, якая дала прытулак найбольшай колькасці вымушаных эмігрантаў з Беларусі. Безумоўна, беларусы і ў іншых краінах гавораць пра сваё жаданне даць адукацыю сваім дзецям на беларускай мове, і з часам гэтая тэма робіцца ўсё больш актуальнай. Таму нараджэнне ініцыятывы, якая будзе прасоўваць гэтую тэму, было пытаннем часу…
Ці сапраўды тэма адукацыі па-беларуску сёння актуальная і ці магчыма гэтае пытанне вырашыць за мяжой? Якая сувязь паміж адукацыяй і захаваннем сваёй ідэнтычнасці? Ці заменіць беларускамоўная школа мясцовую ўстанову адукацыі? На гэтыя ды іншыя пытанні адказваюць філосаф, выкладчык, публіцыст, прафесар Інстытута філасофіі і сацыялогіі ПАН Павел Баркоўскі і філолаг Юлія Букштановіч.
