Ці прыцягнуць Лукашэнку да адказнасці за “разню ў Бучы” — стрым
Факты масавых забойстваў мірнага насельніцтва, згвалтаванняў і марадзёрства, якія сталі вядомыя пасля вызвалення ад расійскіх акупантаў шэрагу ўкраінскіх гарадоў і вёсак, шакавалі свет. Расследаваннем злачынстваў расійскіх вайскоўцаў заняліся не толькі ўкраінскія следчыя: ва Украіну прыехалі прадстаўнікі Міжнароднага крымінальнага суда. Збіраюцца доказы, рыхтуюцца матэрыялы.
Што з сябе ўяўляе працэдура збору і перадачы матэрыялаў для суда ў Гаазе? Хто адкажа за злачынствы ў Бучы і іншых гарадах Украіны — непасрэдныя выканаўцы, камандзіры ці кіраўніцтва Расіі? Ці магчыма прыцягнуць да адказнасці Лукашэнку, які даў дазвол на праход расійскіх вайскоўцаў праз тэрыторыю Беларусі і фактычна стаў саўдзельнікам агрэсіі і здзейсненых злачынстваў? На гэтыя ды іншыя пытанні адказвае юрыстка-міжнародніца, кандыдатка юрыдычных навук, экспертка Беларускага Хельсінкскага камітэта Кацярына Дэйкала.
