Цяпер дзяржаўная рэгістрацыя нерухомасці можа заняць 1 дзень

У Беларусі скарочаны перыяд рэгістрацыі нерухомасці грамадзян. Паведамляе прэс-служба Дзяржаўнага камітэта па маёмасці.

8 лістапада набылі моц змяненні ва ўказ прэзідэнта № 200 “Аб адміністрацыйных працэдурах, якія ажыццяўляюцца дзяржаўнымі органамі і іншымі арганізацыямі па заявах грамадзян”.

Цяпер дзяржаўная рэгістрацыя нерухомай маёмасці ажыццяўляецца тэрытарыяльнымі арганізацыямі па дзяржаўнай рэгістрацыі на працягу пяці рабочых дзён са дня падачы заявы (раней сем дзён), у выпадку ажыццяўлення рэгістрацыйных дзеянняў у паскораным парадку — двух рабочых дзён, у выпадку ажыццяўлення рэгістрацыйных дзеянняў у тэрміновым парадку пры ўмове, што заява аб дзяржаўнай рэгістрацыі зарэгістраваная ў журнале рэгістрацыі заяў да 16:00, — аднаго рабочага дня, у выпадку запыту дакументаў і (ці) звестак ад іншых дзяржаўных органаў, іншых арганізацый — аднаго месяца. Пры ажыццяўленні рэгістрацыйных дзеянняў у паскораным і тэрміновым парадку з заяўніка дадаткова спаганяецца плата 0,3 і 0,6 базавай велічыні адпаведна.

Раней з сямі да пяці рабочых дзён быў скарочаны тэрмін ажыццяўлення дзяржаўнай рэгістрацыі нерухомай маёмасці, правоў на яе і здзелак з ёй для юрыдычных асоб і індывідуальных прадпрымальнікаў.

Фота: govorim.by