Да +24°С, месцамі навальніцы: надвор'е ў Беларусі 24 чэрвеня
Лета ў Беларусі / Еўрарадыё
Кароткачасовыя дажджы і слабы туман прагназуюць на панядзелак, 24 чэрвеня ў Беларусі. Умовы за акном будзе вызначаць прахалодная няўстойлівая паветраная маса, якая прыйшла з захаду.
Чакаецца пераменная воблачнасць. Месцамі па краіне прагрымяць навальніцы. У начны і ранішні час у асобных раёнах Беларусі будзе згушчацца слабы туман.
Вецер будзе паўночна-заходні, паўночны ўмераны. Мінімальная тэмпература паветра ўночы — ад 10 да 16 градусаў цяпла, максімальная ўдзень — +19...+24 градусы. Атмасферны ціск будзе расці. Такі прагноз даюць у Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя.
