Дзень Волі: пра БЧБ у гарадах Амерыкі, Ціханоўскую і БНР
Афіша святкавання Дня Волі ў Сан-Францыска
Аб’явамі з запрашэннем на святкаванне 105-й гадавіны стварэння Беларускай Народнай Рэспублікі поўняцца ўсе сацыяльныя сеткі. І геаграфія гэтых абвестак вельмі шырокая. Практычна, яна ахоплівае абодва кантыненты, калі не сказаць, што ўвесь свет. Да прыкладу, вельмі актыўна плануюць адсвяткаваць Дзень Волі ў ЗША, куды акурат у гэты дзень прыедзе Святлана Ціханоўская, будуць святкаванні ў Канадзе. Не застануцца па-за святам і беларусы Бразіліі.
Чым адметная дата 25 сакавіка для беларусаў замежжа? Як святкуюць Дзень Волі ў абедзвюх Амерыках і як змянілася стаўленне мясцовых уладаў да нацыянальнай сімволікі беларусаў цягам апошніх двух гадоў? Як беларускія дыяспары могуць дапамагчы Бацькаўшчыне захаваць незалежнасць? На гэтыя ды іншыя пытанні адказваюць старшыня Згуртавання беларусаў Канады Алена Лявончанка, прэзідэнтка Асацыяцыі беларусаў ЗША Надзея Нортан і сябра дыяспары беларусаў Бразіліі Вольга Ермалаева Франко.
