Дзяржсакратар ЗША Майк Пампеа ўжо ў Мінску, ён сустрэнецца з Лукашэнкам і Макеем

На сайце Дзяржаўнага дэпартамента ЗША сказана, што Майк Пампеа збіраецца "падкрэсліць прыхільнасць ЗША да суверэннай, незалежнай, стабільнай і квітнеючай Беларусі" і "пацвердзіць жаданне [ЗША] нармалізаваць двухбаковыя адносіны". Чакаецца, што размова з беларускімі чыноўнікамі пойдзе пра геапалітычную сітуацыю ва Усходняй Еўропе, санкцыі ў дачыненні да Беларусі, вяртанне амерыканскага амбасадара ў Мінск, а беларускага — у Вашынгтон.

Візіт Пампеа ў Мінск — частка вялікага еўразійскага турнэ. Да Беларусі дзяржсакратар ЗША наведаў Вялікабрытанію і Украіну, а пасля паляціць у Казахстан і Узбекістан.