ЕС выдасць Украіне новы крэдыт у 35 млрд еўра

Еўрапарламент ухваліў выдзяленне крэдыту ЕС на 35 млрд еўраў Украіне, для выплаты якога будуць выкарыстоўвацца даходы ад замарожаных расійскіх актываў.

За гэтае рашэнне прагаласавалі 518 еўрадэпутатаў, 56 — супраць, 61 парламентарый устрымаўся.

Крэдыт Кіеву выдаецца пад "будучыя даходы ад замарожаных актываў цэнтральнага банка Расіі, размешчаных у ЕС", гаворыцца ў паведамленні Еўракамісіі. Грошы будуць выдзеленыя да канца 2025 года.

"Гэтым галасаваннем мы пасылаем магутны сігнал — мы выкарыстоўваем даходы ад расійскіх замарожаных актываў на падтрымку Украіны, і Расія як краіна-агрэсар павінна заплаціць — і заплаціць", — сказала прэзідэнт Еўрапарламента Раберта Метсола.

Гэты крэдыт з'яўляецца часткай ініцыятывы краін G7 па выдачы Украіне фінансавай падтрымкі ў памеры да $50 млрд (каля 45 млрд еўра).