Фанаты "Барселоны" паляць футболку з нумарам Нэймара
Фанаты футбольнага клуба "Барселона" знялі на відэа, як паляць футболку клубных колераў з нумарам 11. Гэты нумар меў Нэймар, які перайшоў з "Барсы" ў ПСЖ. Гэты пераход клубныя фанаты палічылі здрадай, паведамляе Marca.
Як паведамлялася раней, 3 жніўня Неймар заплаціў "Барселоне" 222 мільёны еўра, каб скасаваць кантракт з клубам. У гэты ж дзень ён падпісаў пяцігадовы кантракт з ПСЖ. Паводле звестак СМІ, гадавы заробак Нэймара ў ПСЖ складзе 30 мільёнаў еўра.
