Францыя лічыць, што санкцыі супраць Расіі могуць быць адмененыя да лета
Міністр эканомікі Францыі Эманюэль Макрон выказаў надзею, што санкцыі Еўрасаюза супраць Расіі будуць адмененыя да лета 2016 года.
"Мэта, якую мы ўсе з вамі падзяляем, — гэта забяспечыць да лета гэтага года магчымасць зняцця санкцый у выпадку, калі палажэнні мінскіх пагадненняў будуць выконвацца", — цытуе BBC словы міністра.
Макрон выступіў на сустрэчы з французскімі бізнэсоўцамі падчас свайго візіту ў Маскву.
У пятніцу дзяржсакратар ЗША Джон Кэры на Сусветным эканамічным форуме ў Давосе таксама заявіў, што санкцыі супраць Расіі могуць быць знятыя, калі Масква выканае мінскія пагадненні.
