Грамадская ініцыятыва назвала імёны супрацоўнікаў НКУС, датычных да расстрэлаў
Мемарыял у памяць ахвяраў сталінскіх рэпрэсій каля вёскі Кабылякі / zautra.by
Грамадская ініцыятыва "Кабылякі. Расстраляныя ў Оршы" ўпершыню апублікавала спіс супрацоўнікаў аршанскага аддзялення Народнага камісарыята ўнутраных спраў (НКУС), якія датычныя да масавых расстрэлаў людзей з сярэдзіны 1930-х да пачатку 1950-х гадоў.
У спісе налічваецца 22 прозвішчы. Гэта рускія, украінцы, беларусы, габрэі. Як відаць з кароткіх біяграфій, некаторыя з супрацоўнікаў НКУС пасля былі самі рэпрэсаваныя і расстраляныя, іншыя дажылі да сталага ўзросту, сталі персанальнымі пенсіянерамі саюзнага значэння.
З 90-х гадоў аршанскія актывісты збіраюць інфармацыю і дакументы не толькі пра рэпрэсаваных у Аршанскім раёне, але і пра тых, хто аддаваў і выконваў злачынныя загады.
