Гродзенец напаў на шапік "Табакерка" (відэа)

Шапік "Табакерка" ў Гродне пацярпеў ад рук нецвярозага маладога чалавека, паведамляе прэс-служба УУС Гродзенскага аблвыканкама. 

Інцыдэнт здарыўся каля другой гадзіны ночы. 23-гадовы гродзенец каменем разбіў шыбу ў шапіку на вуліцы Гарнавых.

Відавочцай здарэння стала жанчына, якая працуе на тытунёвай фабрыцы. Яна і паведаміла пра яго ў міліцыю. Неўзабаве хлопца затрымалі.

Высветлілася, што малады чалавек вяртаўся дадому ад сяброў, быў п'яны. Навошта кідаў камень у шапік, ён не памятае. Шкоду ад выбітай шыбы ацанілі ў 155 рублёў. 

На хлопца пачалі крымінальную справу за хуліганства.

Дарэчы, два месяцы таму іншы гродзенец нападпітку таксама кідаў камяні ў гэты самы шапік. 

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.