Гродзенскіх навучэнцаў палохаюць, каб не ішлі на марш пратэсту
Напярэдадні чарговых вулічных акцыяў пратэсту з навучэнцаў Гродзенскага дзяржаўнага прафесійнага электратэхнічнага каледжа імя І.Шчаснага сталі браць падпіскі, што яны не будуць удзельнічаць у акцыях. Фотаздымак са спісам навучэнцаў размясціў у сацсетках Ігар Лосік.
Навучэнцы павінныя падпісацца пад наступным тэкстам: "Азнаёмлены з Законам РБ "Аб масавых мерапрыемствах", абавязуюся не ўдзельнічаць у мітынгах і грамадскіх акцыях, якія парушаюць грамадскі парадак".
