Гульні ў парламент: каму яны патрэбныя і на што ўплываюць
Вольга Кавалькова / Еўрарадыё
Працэсы стварэння Усебеларускага народнага сходу ўнутры Беларусі і Каардынацыйнай Рады за межамі краіны ідуць амаль паралельнымі курсамі. Не, усё ж за межамі Беларусі працэс ідзе троху хутчэй — не прайшло і года ад заяўленага ў жніўні 2022-га пачатку працэсу “перафарматавання” створанай у 2020 годзе КР, як ужо ў лютым 2023-га яна распачынае сваю працу. Што праўда, пакідаючы шмат пытанняў наконт мэтазгоднасці сварэння гэтай структуры. Як, між іншым, і ўнутрыбеларускага сіямскага блізнюка КР — УНС…
Што з сябе ўяўляе абноўленая Каардынацыйная Рада і якія ў яе паўнамоцтвы? Ці будуць у яе магчымасці настойваць на выкананні сваіх рашэнняў? Ці стане КР сапраўды аналагам прота-парламенту Новай Беларусі? На гэтыя ды іншыя пытанні адказвае сябра Каардынацыйнай Рады, сустаршыня партыі Беларуская Хрысціянская дэмакратыя, юрыстка Вольга Кавалькова.
