Гусакоў: робяцца першыя крокі для падрыхтоўкі першага касманаўта суверэннай РБ

Робяцца першыя крокі для падрыхтоўкі першага касманаўта суверэннай Рэспублікі Беларусь. Такую заяву зрабіў старшыня прэзідыума Нацыянальнай акадэміі навук Уладзімір Гусакоў. "Абавязкова трэба пашыраць прысутнасць краіны ў космасе", — цытуе яго словы БЕЛТА. Гусакоў не лічыць адпраўку касманаўта ў космас "вельмі амбіцыйным планам".

Беларусы ўжо былі ў космасе. У савецкія часы гэта зрабілі Пётр Клімук (упершыню ў 1973-м) і Уладзімір Кавалёнак (упершыню ў 1977-м). Пра свае беларускае паходжанне распавядала Валянціна Церашкова, першая жанчына ў космасе (1963). Беларускае паходжанне маюць касманаўты Алег Навіцкі і Алег Арцем'еў, якія ляталі ў космас ужо ў 2000-я.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.