Халезін абвяргае паведамленне пра палітычны прытулак у ЗША
Мікалай Халезін назваў "качкай пра Свабодны тэатр" інфармацыю пра тое, што ён і Наталля Каляда папрасілі палітычнага прытулку ў ЗША.
"У сувязі з нейкімі "працэдурамі" мы, відаць, мусім знаходзіцца ў ЗША, але праз дзіўны збег абставінаў чатыры чалавекі знаходзяцца цяпер у Англіі, двое — у Амерыцы, астатнія — у Мінску, дзе сыгралі некалькі дзён таму спектакль "New York'79". Але ў Амерыцы мы ўсё ж такі апынемся праз пэўны час, бо ў нас пачынаюцца месячныя гастролі ў Нью-Ёрку, дзе будзе сыграна 39 спектакляў на сцэне тэатра LaMama", — напісаў Халезін у блогу.
Ён папрасіў усе выданні, што распаўсюдзілі гэтую "навіну", апублікаваць абвяржэнне.
