Хворай маці Леха Качыньскага паведамілі пра смерць сына
Брат-блізнюк прэзідэнта Польшчы Леха Качыньскага Яраслаў паведаміў хворай 83-гадовай маці Ядвізе пра гібель брата і нявесткі ў авіякатастрофе пад Смаленскам. Як адзначае Onet.pl, Яраслаў сказаў матцы пра смерць Леха і ягонай жонкі ў аўторак, 25 траўня. Раней польскія СМІ паведамлялі, што Яраслаў Качыньскі не паляцеў з братам таму, што ў апошні момант адмяніў паездку з-за стану здароўя маці.
