Інфляцыя з пачатку года склала ў Беларусі 5,2%

За травень кошты ў Беларусі ў параўнанні з красавіком выраслі на 0,6%, паведамляе Белстат.

Затое з пачатку года інфляцыя склала ўжо 5,2%. А калі параўнаць сёлетні травень з траўнем 2020-га — ажно 9,4%. Гэта рэкордны паказчык за апошнія пяць гадоў. 

Агульны ўзровень цэн на харчовыя і нехарчовыя тавары за травень вырас на 0,8%, а на паслугі — знізіўся на 0,2%. 

Найбольш за травень выраслі цэны на сталовыя (2,5%), рамонт абутку (2,3%), тэкстыль для хатняй гаспадаркі (1,6%), а таксама лазні (1,3%). У параўнанні з красавіком патаннелі арэнда жылля(-0,9%), культурныя мерапрыемствы і страхаванне (-0,8%).