Каб зрабіць Нацыянальны стадыён таннейшым, закупяць дакументацыю іншага стадыёна
Для ўзвядзення нацыянальнага футбольнага стадыёна плануецца закупіць праектна-сметную дакументацыю ўжо пабудаванага аб’екта. Пра гэта заяўляе старшыня праўлення Банка развіцця Сяргей Румас падчас сустрэчы з Аляксандрам Лукашэнкам, якая ладзілася 18 ліпеня, паведамле прэс-служба прэзідэнта Беларусі.
Па словах старшыні банка, такі крок дасць магчымасць зменшыць кошт праектавання і значна скароціць тэрміны будаўніцтва.
Таксама Сяргей Румас паведамляе кіраўніку дзяржавы, што тэхнічны цэнтр нацыянальных зборных каманд па футболе і стадыён “Дынама” будуць здадзены ў тэрмін.
