Калі б гэтай ноччу вы глядзелі на неба, убачылі б "зорку Венеру"!
Вось, як гэта выглядала з розных краін. / The Watchmen Earth and Space Connection / Rio / malaikatm
У ноч з пятніцы на суботу аматары назіраць за зорным небам па ўсім свеце маглі ўбачыць фантастычную з'яву: Венера зблізілася з Месяцам, яе лёгка можна было ўбачыць няўзброеным вокам.
Гэта збліжэнне назіралі паўсюль: ад Вялікабрытаніі да ЗША, Турцыі і Кітая, піша BBC. І беларусы ў чатах таксама дзяліліся здымкамі "зоркі Венеры"!
Венеру часта называюць "ранішняй зоркай". Калі гэта планета бачная, яна здаецца самой яркай зоркай на небе (хоць, канешне, зоркай не з'яўляецца).
MOON-VENUS CONJUNCTION: On Jan. 3rd when the sun set over Europe, sky watchers saw something rare and beautiful. “The Moon and Venus were shining bright side-by-side,” says Gwenael Blanck, who photographed the conjunction from Paris, France. Another rare and beautiful conjunction… pic.twitter.com/Ro9lsjdflQ
— The Watchmen Earth and Space Connection (@TWESC2023) January 4, 2025
Калі вы не ўбачылі "зорку Венеру" — нічога страшнага. Студзень 2025 года абяцае быць добрым для назіранняў не толькі за Венерай, але і за Сатурнам. Спецыялісты раяць паглядзець на неба 18 студзеня, у гэты дзень гэтыя планеты будуць зусім блізка адна да адной.
