Каля 50% беларускіх работнікаў атрымлівае менш за 1000 рублёў

48,7% беларускіх работнікаў зарабляюць менш за 1000 рублёў. Такія звесткі прыводзіць БЕЛТА, спасылаючыся на інфармацыю Белстата.

Паводле Белстата, медыянны заробак у траўні 2021 года склаў 1018,4 рубля (у лістападзе 2020-га ён быў 944,4 рубля).

Медыянны заробак — гэта паказчык у цэнтры заробкавага шэрагу, які дзеліць яго на дзве роўныя часткі. Гэта значыць, палова работнікаў атрымлівае больш за гэтую суму, а палова — менш. 

(Гэты паказчык не варта блытаць з сярэднім зароюкам па краіне. Сярэдні заробак за травень 2021-га склаў 1419,6 рубля.) 

Па памерах заробкаў сярод беларускіх работнікаў размеркаванне выглядае так: 

— да 300 рублёў — 1,3% работнікаў,

— ад 300,1 да 400 рублёў — 1,6%,

— ад 400,1 да 1000 рублёў — 45,8%,

— ад 1 000,1 да 1500 рублёў — 28,2%,

— ад 1 500,1 да 2000 рублёў — 12,1%,

— ад 2 000,1 да 3000 рублёў — 7,1%,

— ад 3 000,1 да 5000 рублёў — 2,5%,

— ад 5 000,1 да 7000 рублёў — 0,7%,

— ад 7000,1 да 10 000 — 0,4%,

— вышэй за 10 000,1 — 0,3%.