Кангрэс УЕФА 2021 года перанеслі з Беларусі ў Швейцарыю
Выканкам УЕФА вырашы, што кангрэс 2021 года пройдзе не ў Мінску, а ў швейцарскім Ньёне. Пра адпаведнае рашэнне паведамляецца на сайце Еўрапейскай футбольнай асацыяцыі.
Гэты перанос тлумачыцца "арганізацыйнымі і аперацыйнымі цяжкасцямі". Першапачаткова кангрэс быў запланаваны на 2 сакавіка 2021 года ў Мінску.
Таксама паведамляецца, што цягам бліжэйшага паўгода ўсе карпаратыўныя мерапрыемствы УЕФА будзе прымаць Швейцарыя.
Гэта значыць, што акрамя кангрэса ў Ньёне пройдуць запланаваныя на снежань 2020-га і сакавік 2021-га пасяджэнні Выканаўчага камітэта УЕФА.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
