КДБ адмаўляецца ад затрымання галоўнага інжынера МЗКЦ

12 траўня беларускія СМІ паведамілі пра затрыманне галоўнага інжынера Мінскага завода колавых цягачоў Андрэя Галавача. Затрыманне, нібыта, адбылося тыдзень таму, 5 траўня, на працоўным месцы.

Паведамлялася, што Галавача вінавацяць у злоўжыванні службовым становішчам. Затрыманне, нібыта, праводзілі супрацоўнікі КДБ.

Выканаўцам абавязкаў галоўнага інжынера з 6 траўня з'яўляецца Аляксей Рымашэўскі.

У каментары telegraf.by прэс-служба КДБ заявіла, што да затрымання гэтае ведамства не мае дачынення: "Затрыманне праводзіў не Камітэт дзяржбяспекі. Таму на гэтым, я думаю, усе пытанні знятыя".

Фота — belaruspartisan.org