Кнігу Валерыя Карбалевіча пра Лукашэнку правераць на экстрэмізм
14 верасня ў часе вяртання з Літвы ў Беларусь затрымалі сябра Аб’яднанай грамадзянскай партыі Аляксандра Малочку.
У яго адабралі кнігу Валерыя Карбалевіча “Аляксандр Лукашэнка. Палітычны партрэт” — сказалі, што будуць правяраць на экстрэмізм.
Дагляд доўжыўся болей за дзве гадзіны. Мытнікам не спадабалася назва выдавецтва, у якім выйшла кніга — “Партызан”. Актывісту АГП паабяцалі, што па выніках экспертызы з ім будзе размаўляць КДБ.
Як адзначае сам Аляксандр Малочка, кніга ездзіць разам з ім у машыне і вельмі лёгка перасекла мяжу з Беларусі ў Літву — актывіст прост чытаў яе, пакуль стаяў у чарзе, інфармуе сайт ucpb.org
