Крычаўскага міліцыянта арыштавалі за збіццё мясцовага жыхара

Як паведамляе БелаПАН, следчыя органы расследуюць крымінальную справу супраць некаторых крычаўскіх міліцыянтаў. Перавышаючы свае службовыя паўнамоцтвы, яны нанеслі жыхару Крычава цяжкія цялесныя пашкоджанні.

Аднаму з міліцыянтаў ужо выставілі абвінавачванне. Ён узяты пад варту. Паводле неафіцыйнай інфармацыі, гэта оперупаўнаважаны Сініцын. Пад следствам знаходзяцца яшчэ два оперупаўнаважаныя.

Сам інцыдэнт адбыўся ў снежні 2012 года. Мужчыну неабгрунтавана падазравалі ў крадзяжы. У пастарунку яго моцна збілі. Па словах маці пацярпелага, сын знаходзіўся ў цяжкім стане і быў шпіталізаваны. Цяпер ён з'ехаў на працу ў Расію.

Першапачаткова справай займаўся КДБ, а потым яно было перададзена ў Следчы камітэт.

Фота — aif.ru