Кватэру на вуліцы Берута ў Мінску закідалі "кактэйлямі Молатава" дзеля помсты

Міліцыя затрымала пяцярых чалавек. Выявілася, што кампанія напярэдадні выпівала, і адзін з прысутных расказаў пра канфлікт з мужчынам з суседняга дома і прапанаваў яму адпомсціць. Кампанія купіла на запраўцы некалькі літраў бензіну, разліла яго ў бутэлькі з-пад віна і пайшла да крыўдзіцеля. Яны падпалілі дзверы ў кватэру і закінулі бутэ.лькі з бензінам на гаўбец. 

Падазраваных затрымалі па гарачых слядах пасля тэлефанавання пацярпелага. У кампаніі паспелі канфіскаваць два "кактэйлі Молатава".

Паведамляецца, што ўсе фігуранты не працуюць. Гэта неаднаразова судзімыя мужчыны ва ўзросце ад 35 да 40 гадоў.