Ландсбергіс: свабода прыйдзе і для Беларусі, там будзе запісана імя Шушкевіча
Першы лідар Літвы пасля аднаўлення яе незалежнасці Вітаўтас Ландсбергіс выказаўся з нагоды смерці Станіслава Шушкевіча. Першы кіраўнік незалежнай Рэспублікі Беларусь памёр у ноч з 3 на 4 траўня на 88-м годзе жыцця.
"Шушкевіч не дачакаўся свабоднай Беларусі... Сышоў у поўную свабоду", — піша Ландсбергіс. Літоўскі палітык верыць, што ў вайне з Расіяй пераможа Украіна, а далей "свабода прыйдзе і для Беларусі". "Там будзе запісана імя Станіслава Шушкевіча", — дадае ён.
